Comhairle Cathrach Bhaile Átha Cliath
SOILSIÚ GEIMHRIDH BHAILE ÁTHA CLIATH
1 Nollaig 2025 – 25 suíomh – Imeacht ticéid amháin
Bíodh blas den draíocht agat i Lár Chathair Bhaile Átha Cliath agus faigh léargas air nach raibh agat roimhe seo. Agus 25 suíomh ar fud na cathrach i gceist leis, idir shoilse suntasacha agus ghníomhaíochtaí idirghníomhacha, is eispéireas é anseo a mbainfidh cách taitneamh as.
Déanfar foirgnimh, droichid agus sainchomharthaí clúiteacha ar fud Bhaile Átha Cliath a athrú ó bhonn go maorga, a bhuí le suiteáin agus teilgin solais iontacha a dhear ealaíontóirí náisiúnta agus idirnáisiúnta mór le rá. Bain taitneamh as léirithe dallraitheacha ag Páirc Chearnóg Mhuirfean agus ag Ard-Oifig an Phoist agus bain sult as eispéiris nua iontacha solais a bheidh ar siúl ag Caisleán Bhaile Átha Cliath, Cearnóg Wolfe Tone, feadh na Life agus Cearnóg Theach an Tionóil.
2025
Suíomhanna agus Léarscáil
Caisleán Bhaile Átha Cliath - Clós
Déanann ‘Flux’ ó chomharghrúpa ealaíontóirí na Fraince ‘SCALE’ athdhearadh ar a thimpeallacht agus cuireann sé seó súgrach buile i láthair ina gcruthaítear dlúthchomhrá idir an chóiréagrafaíocht agus an ceol.
GPO (Ard-Oifig an Phoist)
Teilgin dhigiteacha dhinimiciúla de shaothair ealaíne ghalánta le hochtar mór-ealaíontóirí digiteacha náisiúnta agus idirnáisiúnta a bheidh á dteilgean ar an bhfoirgneamh clúiteach seo.
Páirc Chearnóg Mhuirfean - imeacht ticéid
I mbliana cuireann ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’ ag Páirc Chearnóg Mhuirfean spórtúlacht, soilsiú agus idirghníomhú ar fáil trí shuiteáin soilsithe a siúltar tríothu, lena n-áirítear Cailéideascóp tumthach.
An Túr Solais
Éireoidh an Túr Solais ina lóchrann solais a bheidh le feiceáil ar feadh na mílte agus gathanna solais á dteilgean sa spéir.
Sráid Uí Chonaill - Crainn
Le soilsiú dath-athraitheach LED, athrófar ar na crainn feadh Shráid Uí Chonaill ó bhonn.
Dealbh Uí Chonaill ar Shráid Uí Chonaill
Mar chomóradh 250 bliain bhreith Dhónaill Uí Chonaill, soilseoidh suiteán soilsithe nua an dealbh chlúiteach seo ar bharr Shráid Uí Chonaill.
Banc Newcomen
I gcomhar le Visual Spectrum Studios i mBéal Feirste, déanfaidh ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’ teilgmhapáil ar Bhanc Newcomen, mar a bhíodh.
Halla na Cathrach
Beidh téama féilire Aidbhinte ag an teilgmhapáil ildathach ó Lightscape Studios, a bheidh á teilgean ar Halla na Cathrach.
Foirgneamh Shráid an Pháláis
Beidh saothair ealaíne ó Chomórtas Ealaíne Geimhridh bliantúil do Leanaí á dteilgean ar thaobh an fhoirgnimh ar Shráid an Pháláis.
Bád na Life
Taistealóidh suiteán soilsithe ar snámh, a bhfuil 180 ga solais air, trí chroílár na cathrach ó Stáisiún Heuston go Calafort Átha Cliath.
Droichead James Joyce
Déanfaidh an suiteán solais mórscála dath-athraitheach athrú ó bhonn ar an droichead cruach thógála aonréise agus a áirsí uilleacha sainiúla.
Iosta Digiteach
Déanfar Túr Pádraig, seanmhuileann dín inghluaiste, a shoilsiú arís le teilgin dhigiteacha.
Cearnóg Theach an Tionóil
Beidh os cionn 3,000 bolgán solais ar an suiteán soilsithe tríthoiseach tumthach seo. Is comhshaothar leis an dearthóir Anthony Murphy é ‘Meeting House Cubed’.
Cearnóg Bharra an Teampaill
Is cluiche a théann siar beagnach 1000 bliain é ‘an madra rua agus an ghé’. Is féidir le daoine ceann de na cluichí is ársa ar domhan a imirt ar bhealach nua leis an struchtúr solais mórscála seo i gcroílár na cathrach.
Droichead na Life
Beidh suiteán soilsithe dath-athraitheach ar Dhroichead clúiteach na Life.
Droichead na Mílaoise
Tá na háirsí bogha báistí ildathacha ar ais arís le haghaidh ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’ 2025.
Cearnóg Wolfe Tone
Beidh gluaiseacht na comaitéireachta laethúla le feiceáil ar bhalla braite gluaiseachta idirghníomhach déanta as picteilíní LED.
Danlann an Hugh Lane
Teilgfear saothair ealaíne chruthaitheacha a rinne mic léinn a bhfuil baint acu le Taispeántas Teilgmhapála Meán Gluaiste de chuid Choláiste Náisiúnta Ealaíne is Deartha ar Dhánlann Hugh Lane.
Teach an Chustaim
Teilgfear íomhánna ildathacha leis an ealaíontóir Éireannach James Earley ar an bhfoirgneamh cáiliúil seo ón 18ú haois.
Droichead Shráid Thalbóid
Dealbh sholais crochta is ea an suiteán soilsithe LED seo faoi dhroichead iarnróid Shráid Thalbóid.
Duga Sheoirse
Lasfaidh 100 ga solais cumhachtacha an spéir le ‘Céad’, suiteán soilsithe atá mar chuid den léiriú ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’, i gcomhar leis an Dearthóir Soilsithe Sonya Fossett agus léiritheoir agus ealaíontóir ceoil leictreonaigh Caolan Ryan.
Droichead Samuel Beckett
Tiocfaidh beocht i nDroichead Samuel Beckett agus sraith íomhánna ag gluaiseacht thar an droichead cáiliúil sin.
Na Dugaí
I gcomhar leis an rinceoir gairmiúil Jessie Thompson, cuireann ‘Soilsiú Geimhridh Bhaile Átha Cliath de chuid Chomhairle Cathrach Bhaile Átha Cliath’ saothar léirithe atá saindeartha go speisialta ina mbuaileann solas agus uisce chun rince ar scáileán uisce atá 40 méadar ar leithead.
Teach an Ardmhéara
Iontas geimhridh réaltach faoi cheannbhrat mealltach de shoilse lonracha féiltiúla. Tá seomra céadfaí ar leith ann dóibh siúd a bhfuil sos beag de dhíth orthu ó spreagthacht chéadfach.
Caisleán Bhaile Átha Cliath - Clós Íochtarach
Teilgfear saothar ealaíne teilgmhapála a rinne an t-ealaíontóir Jack Phelan ar fhoirgneamh nuachlasaiceach i gclós íochtarach Chaisleán Bhaile Átha Cliath.
Geata Shráid an Pháláis
Déanfar an áirse isteach chuig Caisleán Bhaile Átha Cliatha a athrú ó bhonn le teilgin solais dhinimiciúla, agus éireoidh sí ina bealach isteach ildathach a théann chuig dhá léiriú solais i gCaisleáin Bhaile Átha Cliath.
More Christmas activities!
Markets
Dublin’s Christmas markets bring a great buzz to the city centre as locals and visitors find great gifts, enjoy fabulous food and enjoy fun activities …
Christmas Spectacular
Christmas Spectacular at Smithfield Square is Dublin’s newest and most exciting festive experience, located right in the very heart of Dublin …
Do Dublin’s Christmas Tour
Enjoy an entertaining Christmas tour of Dublin city, with songs, stories, lots of laughs and plenty of Christmas cheer, a unique and unforgettable …
Lucht Tacaíochta na Féile
